ಮೊಬೈಲ್, ಇಂಟರ್ನೆಟ್, ಇಲ್ಲದೆ ಈ-ಸಮೀಕ್ಷೆ ಕೆಲಸ ಮಾಡಲು ಆಶಾ ಕಾರ್ಯಕರ್ತೆಯರಿಂದ ವಿರೋಧ

.

  ಕೊಪ್ಪಳ ನಗರ ವೈದ್ಯಧಿಕಾರಿಗಳಾದ ಮಹೇಶ್ ಹಾಗೂ ಆಶಾ ಮೇಲ್ವಿಚಾರಕಾರದ ಸಂದ್ಯಾ ಅವರಿಗೆ  ಕರ್ನಾಟಕ ರಾಜ್ಯ ಸಂಯುಕ್ತ ಆಶಾ ಕಾರ್ಯಕರ್ತೆಯರ ಕೊಪ್ಪಳ ನಗರ ಘಟಕದಿಂದ ಮನವಿ ಸಲ್ಲಿಸಲಾಯಿತು.

ಆಶಾ ಕಾರ್ಯಕರ್ತೆಯರಿಗೆ ಈಗ ಕಳೆದ ಕೆಲ ದಿನಗಳಿಂದ ಮೊಬೈಲ್‌ನಲ್ಲಿ ಆರೋಗ್ಯ ಮತ್ತು ಪೌಷ್ಟಿಕ ಸಮೀಕ್ಷೆಗಳ ಈ – ಸಮೀಕ್ಷೆ ಮಾಡಲು ಆಶಾಗಳಿಗೆ ತರಬೇತಿ ನೀಡಿ , ಮೊಬೈಲ್ ಆ್ಯಪ್ ಮೂಲಕ ಮಾಡಬೇಕೆಂದು ಒತ್ತಡ ಹೆರಲಾಗುತ್ತಿದೆ . ಮಾನ್ಯ ಅಭಿಯಾನ ನಿರ್ದೇಶಕರು , ಎನ್‌ಎಚ್‌ಎಂ ಹಾಗೂ ಮಾನ್ಯ ಆಯುಕ್ತರು , ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ , ಬೆಂಗಳೂರು ಇವರು ದಿ : 18-02-21ರ ಸುತ್ತೋಲೆಯಲ್ಲಿ ಆಶಾ ಕಾರ್ಯಕರ್ತೆಯರು , ಅಂಗನವಾಡಿ ಕಾರ್ಯಕರ್ತೆಯರು , ಪಿಎಚ್‌ಸಿಓ ಸಮೀಕ್ಷೆ ಮಾಡಲು ತಿಳಿಸಲಾಗಿದೆ . ಕೊಪ್ಪಳ ತಾಲೂಕಿನಲ್ಲಿ ಆಶಾ ಕಾರ್ಯಕರ್ತೆಯರಿಗೆ ಮಾತ್ರ ಒತ್ತಾಯ ಪೂರಕವಾಗಿ ಇಲಾಖೆ ಸಿಬ್ಬಂದಿಗಳು ಹೆದರಿಸಿ ಬೆದರಿಸಿ ಸಮೀಕ್ಷೆ ಮಾಡಲು ಹೇಳಿರುತ್ತಾರೆ . ಮುಖ್ಯವಾಗಿ ಆಶಾಗಳಿಗೆ ಮೊಬೈಲ್ ಮತ್ತು ಡಾಟಾ ನೀಡದೇ ಇರುವುದರಿಂದ ಮಾಡಲು ಆಗುವುದಿಲ್ಲ . ಇನ್ನೂ ಕೆಲ ಆಶಾ ಕಾರ್ಯಕರ್ತೆಯರಿಗೆ ಮೊಬೈಲ್ ಕೊಟ್ಟರೂ ಸಹ ಮೊಬೈಲ್ ಆ್ಯಪ್‌ಗಳ ಮುಖಾಂತರ ಕೆಲಸ ಮಾಡಲು ಆಗುವುದಿಲ್ಲ . ಸರ್ವೆ ಮಾಡಲು ಹಲವಾರು ತೊಂದರೆಗಳು ಈ ಕೆಳಗಿನಂತೆ ಇವೆ . 1. ಹಲವಾರು ಆಶಾಗಳಿಗೆ ಸ್ಮಾರ್ಟ್ ಫೋನ್ ಇಲ್ಲ . 2. ಕೆಲವು ಆಶಾಗಳಲ್ಲಿ ಮೊಬೈಲ್ ಇದ್ದರೂ ಹೊಸ ಈ ಆಪ್ ಅನ್ನು ಸಪೋರ್ಟ್ ಮಾಡುತ್ತಿಲ್ಲ . 3 . ಈಗಾಗಲೇ ನೀಡಿರುವ CUG sim ನೆಟ್ವರ್ಕ್ ಸಿಗುತ್ತಿಲ್ಲ . 4. ಮೊಬೈಲ್ ಇದ್ದು ಮಾಡಲು ಹೋದಾಗ ಇಂಗ್ಲೀಟ್ನಲ್ಲಿ ಟೈಪ್ ಮಾಡಬೇಕಾಗಿದೆ ಇದರಿಂದ ಕೆಲವರಿಗೆ ಸಾಧ್ಯವಾಗುತ್ತಿಲ್ಲ.
5.ಕೆಲವಡೆ ಬೇರೆ ಸಿಮ್‌ಗೂ ನೆಟ್ವರ್ಕ್ ಸಮಸ್ಯೆಯು ಇದ್ದು ಮಾಡಲು ಆಗುತ್ತಿಲ್ಲ . 6. ಸರ್ವೆ ಮಾಡಲು ಹೋದಾಗ ಮಾಹಿತಿ ಕೊಡಲು ಕೆಲ ಜನರಿಂದ ವಿರೋಧವೂ ಆಗುತ್ತಿದೆ . ಮೇಲಿನ ಸಮಸ್ಯೆಗಳನ್ನು ಪರಿಹರಿಸಿ ಮತ್ತು ಆರೋಗ್ಯ ಇಲಾಖೆಯ ಇತರೆ ಸಿಬ್ಬಂದಿಗಳೊಂದಿಗೆ ಆಶಾ ಕಾರ್ಯಕರ್ತೆಯರು ಸರ್ವೆ ಮಾಡಲು ಸಿದ್ಧರಿರುವರು . ಸಿಬ್ಬಂದಿಗಳ ಜೊತೆ ಹೋಗಿ ಅವರ ಮೊಬೈಲಲ್ಲಿ ಎಲ್ಲಾ ದಾಖಲೆಗಳನ್ನು ದಾಖಲಿಸಲು ಆಶಾ ಕಾರ್ಯಕರ್ತೆಯರು ಸಹಕಾರ ನೀಡುತ್ತಾರೆ . ಮಾನ್ಯ ಅಭಿಯಾನ ನಿರ್ದೇಶಕರು , ಎನ್‌ಎಚ್‌ಎಂ ಹಾಗೂ ಮಾನ್ಯ ಆಯುಕ್ತರು , ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ , ಬೆಂಗಳೂರು ಇವರು ದಿ : 18-02-21ರ ಸುತ್ತೋಲೆಯಲ್ಲಿ ತಿಳಿಸಿರುವಂತೆ ಆಶಾ ಕಾರ್ಯಕರ್ತೆಯರು , ಹಾಗೂ ಮೇಲಿನ ಸಮಸ್ಯೆಗಳಿಗೆ ಪರಿಹಾರ ಒದಗಿಸದ ಪಕ್ಷದಲ್ಲಿ ಕೊಪ್ಪಳ ತಾಲೂಕಿನ ಆಶಾ ಕಾರ್ಯಕರ್ತೆಯರು ಆರೋಗ್ಯ ಮತ್ತು ಪೌಷ್ಟಿಕ ಎಚ್‌ಎನ್‌ಎಸ್ ಈ – ಸಮೀಕ್ಷೆ ಮಾಡಲು ಆಗುವುದಿಲ್ಲ ಕೂಡಲೇ ಈ ಕೆಲಸ ಕೈಬಿಡಲು ಅಗ್ರಹಿಸಲಾಯಿತು. ಈ ಸಂದರ್ಭದಲ್ಲಿಜಿಲ್ಲಾ ಅಧ್ಯಕ್ಷ ಶರಣು ಗಡ್ಡಿ ನಗರ ಘಟಕ ಅಧ್ಯಕ್ಷೆ ದ್ರಾಕ್ಷಿಯಣಿ, ಕಾರ್ಯದರ್ಶಿ ಗಳಾದ ರಜಿಯಾ, ಸವಿತಾ, ಮುಖಂಡರಾದ ಲಲಿತ ಹಿರೇಮಠ, ವಿಜಯಲಕ್ಷ್ಮಿ, ರೇಣುಕಾ, ಜ್ಯೋತಿ ಪ್ರೇಮ, ಶೀಲ, ಗಂಗಾ ಎಚ್ ಎಮ್, ಸಂಗೀತ, ಸುನಿತಾ ಪೂರ್ಣಿಮಾ  ನಾಗರತ್ನ, ಮುಂತಾದವರು ಭಾಗವಹಿಸಿದ್ದರು