ಜಿಲ್ಲಾ ಆಸ್ಪತ್ರೆ, ಸಖಿ ಒನ್ ಸ್ಟಾಪ್ ಸೆಂಟರ್‌ಗೆ ನ್ಯಾ. ಮಹಾಂತೇಶ್ ದರಗದ್ ಅನೀರಿಕ್ಷಿತ ಭೇಟಿ: ಪರಿಶೀಲನೆ

ನ್ಯಾಯಾಧೀಶರ ಭೇಟಿ ಸಮಯದಲ್ಲಿ ಫಾರ್ಮಸಿಯಲ್ಲಿನ ಔಷಧದ ಬಗ್ಗೆ ಸಿಬ್ಬಂದಿಗಳೊಂದಿಗೆ ವಿಚಾರಿಸಿ ಔಷಧಿಗಳು ಸರಿಯಾಗಿ ಜಾರಿಯಾಗಿವೆ ಇಲ್ಲ ಎಂದು ಪರಿಶೀಲನೆ ಮಾಡಿದರು. ನಂತರ ಸಖಿ ಒನ್ ಸ್ಟಾಪ್ ಸೆಂಟರಿನಲ್ಲಿರುವ ರೋಗಿಗಳನ್ನು ವಿಚಾರಿಸಿ ಸರಿಯಾದ ಚಿಕಿತ್ಸೆ ಬಗ್ಗೆ ವೈದ್ಯರೊಂದಿಗೆ ಸಂವಹನ ನಡೆಸಿದರು. ಆಸ್ಪತ್ರೆಯ ಊಟದ ಕೊಠಡಿಯಲ್ಲಿ ದಿನಕ್ಕೆ ಎಷ್ಟು ರೋಗಿಗಳಿಗೆ ಊಟ ಕೊಡಲಾಗುವುದು ಎಂದು ವಿಚಾರಿಸಿ, ಮೊಟ್ಟೆ ಹಾಲು ಹಾಗೂ ಕಾಳುಗಳನ್ನು ಪರಿಶೀಲಿಸಿ ಒಳ್ಳೆಯ ಆಹಾರವಿದೆ ಎಂದು ಖಚಿತಪಡಿಸಿಕೊಂಡು. ಆಸ್ಪತ್ರೆಗೆ 300 ಕ್ಕಿಂತ ಹೆಚ್ಚು ರೋಗಿಗಳು ಚಿಕಿತ್ಸೆಗಾಗಿ ಬರುವುದರಿಂದ ಸೂಕ್ತ ಚಿಕಿತ್ಸೆ ನೀಡುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಿದರು.
ಈ ಸಂರ್ದಭದಲ್ಲಿ ಸಿಬ್ಬಂದಿಗಳ ಕುಂದು ಕೊರತೆಗಳನ್ನು ಆಲಿಸಿ, ಆಸ್ಪತ್ರೆಯಲ್ಲಿನ ವಿವಿಧ ಕೆಲಸ ಕಾರ್ಯಗಳ ಕುರಿತು ಪರಿಶೀಲಿಸಿದರು.