fbpx

ಕುಷ್ಟಗಿ ಪುರಸಭೆ ತೆರವಾದ ಸ್ಥಾನಕ್ಕೆ ಚುನಾವಣೆ ಅಧಿಸೂಚನೆ ಪ್ರಕಟ.

ಕೊಪ್ಪಳ,
ಆ.೨೬ (ಕ ವಾ): ಕೊಪ್ಪಳ ಜಿಲ್ಲೆಯ ಕುಷ್ಟಗಿ ಪುರಸಭೆಯಲ್ಲಿ ತೆರವಾದ ೨ನೇ
ವಾರ್ಡಿನ ಸದಸ್ಯ ಸ್ಥಾನಕ್ಕೆ ಚುನಾವಣೆ ನಡೆಸಲು ಜಿಲ್ಲಾಧಿಕಾರಿ ರಮಣದೀಪ ಚೌದರಿ
ಅಧಿಸೂಚನೆ ಹೊರಡಿಸಿದ್ದಾರೆ.
        ಅಧಿಸೂಚನೆಯನ್ವಯ ವಾರ್ಡ್ ಸಂ. ೦೨ ರ ಸದಸ್ಯ
ಸ್ಥಾನದ ಮೀಸಲಾತಿ ಸಾಮಾನ್ಯ (ಮಹಿಳೆ) ಆಗಿರುತ್ತದೆ.  ಚುನಾವಣಾ ವೇಳಾಪಟ್ಟಿ ಇಂತಿದೆ.
ಕುಷ್ಟಗಿ ಪುರಸಭೆಯಲ್ಲಿ ತೆರವಾದ ೨ನೇ ವಾರ್ಡಿನ ಸದಸ್ಯ ಸ್ಥಾನಕ್ಕಾಗಿ ಚುನಾವಣೆಯಲ್ಲಿ
ಸ್ಪರ್ಧಿಸುವವರು ನಾಮಪತ್ರಗಳನ್ನು ಸಲ್ಲಿಸಲು ಸೆ.೦೨ ಕೊನೆ ದಿನಾಂಕವಾಗಿದೆ. ನಾಮಪತ್ರಗಳ
ಪರಿಶೀಲನೆ ಸೆ.೦೩ ರಂದು ನಡೆಯಲಿದೆ. ಉಮೇದುವಾರಿಕೆಯನ್ನು ಹಿಂತೆಗೆದುಕೊಳ್ಳಲು ಸೆ.೦೫
ಕೊನೆ ದಿನಾಂಕವಾಗಿದೆ. ಸೆ.೧೩ ರಂದು ಮತದಾನ ನಡೆಯಲಿದ್ದು, ಒಟ್ಟಾರೆ ಸೆ.೧೫ ರೊಳಗಾಗಿ
ಚುನಾವಣಾ ಪ್ರಕ್ರಿಯೆ ಮುಕ್ತಾಯಗೊಳ್ಳಲಿದೆ. ಚುನಾವಣೆಯಲ್ಲಿ ಶಾಂತಿ ಸುವ್ಯವಸ್ಥೆ
ಕಾಪಾಡುವ ಉದ್ದೇಶದಿಂದ ಕುಷ್ಟಗಿ ಪುರಸಭೆಯ ೨ನೇ ವಾರ್ಡಿನ ವ್ಯಾಪ್ತಿಯಲ್ಲಿ ಆ.೨೬ ರಿಂದ
ಸೆ.೧೫ ರವರೆಗೆ  ಚುನಾವಣಾ ನೀತಿಸಂಹಿತೆ ಜಾರಿಯಲ್ಲಿರುತ್ತದೆ ಎಂದು ಅಧಿಸೂಚನೆಯಲ್ಲಿ
ತಿಳಿಸಲಾಗಿದೆ.
Please follow and like us:
error

Leave a Reply

error: Content is protected !!