You are here
Home > Koppal News > ಪಪಾಯ ರೈತರಲ್ಲಿ ವೈಜ್ಞಾನಿಕ ಮತ್ತು ಸಾವಯವ ನೈಪುಣ್ಯತೆ ಬರಬೇಕು- ಡಾ. ಎಂ.ಬಿ ಪಾಟೀಲ.

ಪಪಾಯ ರೈತರಲ್ಲಿ ವೈಜ್ಞಾನಿಕ ಮತ್ತು ಸಾವಯವ ನೈಪುಣ್ಯತೆ ಬರಬೇಕು- ಡಾ. ಎಂ.ಬಿ ಪಾಟೀಲ.

ಕೊಪ್ಪಳ
ಡಿ. ೨೨ (ಕ ವಾ) ಪಪಾಯ ಬೆಳೆಯುವ ರೈತರು ವೈಜ್ಞಾನಿಕತೆಯನ್ನು
ಅಳವಡಿಸಿಕೊಂಡು, ಸಮುದಾಯ ರೀತಿಯಲ್ಲಿ ಪಪಾಯ ಬೆಳೆಯುವ ನೈಪುಣ್ಯತೆ ಕಲಿಯಬೇಕಿದೆ ಎಂದು
ಕೊಪ್ಪಳದ ಕೃಷಿ ವಿಸ್ತರಣಾ ಶಿಕ್ಷಣ ಕೇಂದ್ರದ ಮುಖ್ಯಸ್ಥ ಡಾ. ಎಂ.ಬಿ. ಪಾಟೀಲ್ ಹೇಳಿದರು.
    
 ಕುಷ್ಟಗಿ ತಾಲೂಕಿನ ತುಗ್ಗಲದೋಣಿ ಗ್ರಾಮದಲ್ಲಿ ತೋಟಗಾರಿಕೆ ಇಲಾಖೆ ಏರ್ಪಡಿಸಿದ್ದ ಪಪಾಯ
ಬೆಳೆ ವಿಚಾರ ಸಂಕಿರಣ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಅವರು ಮಾತನಾಡಿದರು.
    
 ರೈತರು ವೈಜ್ಞಾನಿಕತೆ ಅಳವಡಿಸಿಕೊಂಡು ಸಾವಯವ ಕೃಷಿಗೆ ಹೆಚ್ಚಿನ ಆದ್ಯತೆ ನೀಡಿ ಸಮುದಾಯ
ರೀತಿಯಲ್ಲಿ ಪಪಾಯ ಬೆಳೆಯಲು ಮುಂದಾಗಬೇಕು.  ಸಸ್ಯ ಸಂರಕ್ಷಣೆ ಕ್ರಮಗಳ ಬಗ್ಗೆ ಅರಿಯಲು
ಕೃಷಿ ಮತ್ತು ತೋಟಗಾರಿಕೆ ಇಲಾಖೆಯೊಂದಿಗೆ ರೈತರು ನಿರಂತರ ಸಂಪರ್ಕ ಹೊಂದಿರಬೇಕು.  ಎಂದು
ಡಾ. ಎಂ.ಬಿ. ಪಾಟೀಲ್ ಅವರು ಹೇಳಿದರು. 
     ಹೊಳೆಆಲೂರು ಮಠದ ಗಂಗಾಧರಯ್ಯ
ಸ್ವಾಮಿಗಳು ಕಾರ್ಯಕ್ರಮ ಉದ್ಘಾಟಿಸಿದರು. ಕುಷ್ಟಗಿ ಸಹಾಯಕ ತೋಟಗಾರಿಕೆ ನಿರ್ದೇಶಕ
ರಾಜಕುಮಾರ ಗೋವಿಂದ ಅವರು ಪ್ರಾಸ್ತಾವಿಕವಾಗಿ ಮಾತನಾಡಿ ಇಲಾಖೆಯ ಸೌಲಭ್ಯಗಳ ಬಗ್ಗೆ
ವಿವರಿಸಿದರು. ವಿಷಯತಜ್ಞ ರೋಹಿತ್ ಕೆ.ಎ ಅವರು ಪಪಾಯ ಬೆಳೆಯ ಕೀಟ ಮತ್ತು ರೋಗ ನಿರ್ವಹಣೆಯ
ಬಗ್ಗೆ ತಿಳಿಸಿದರು. ತೋಟಗಾರಿಕೆ ವಿಷಯ ತಜ್ಞ ವಾಮನ ಮೂರ್ತಿ ಅವರು ಪಪಾಯ ತಳಿಗಳ ಆಯ್ಕೆ,
ಬೇಸಾಯ ಕ್ರಮUಳು ಮತ್ತು ಲಘು ಪೋಷಕಾಂಶ ನಿರ್ವಹಣೆಯ ಬಗ್ಗೆ ಮಾಹಿತಿ ನೀಡಿದರು. ಸಹಾಯಕ
ತೋಟಗಾರಿಕೆ ಅಧಿಕಾರಿ ವಿದ್ಯಾಸಾಗರ ಅವರು  ನಿರೂಪಿಸಿದರು ಮತ್ತು  ಶಿವರಾಜ ವಂದಿಸಿದರು. ಈ
ಕಾರ್ಯಕ್ರಮದಲ್ಲಿ ತುಗ್ಗಲದೋಣಿ ಹಾಗೂ ಸುತ್ತಮುತ್ತಲಿನ ಗ್ರಾಮದ ರೈತರು
ಭಾಗವಹಿಸಿದ್ದರು.

Leave a Reply

Top