fbpx

ವಿಠ್ಠಪ್ಪ ಗೋರಂಟ್ಲಿಯವರಿಗೆ ಕಾಯಕ ಸಮ್ಮಾನ ಪ್ರಶಸ್ತಿ

ಕಲ್ಬುರ್ಗಿಯ ಉದಯೋನ್ಮುಖ ಬರಹಗಾರರ ಬಳಗ ಪ್ರತಿ ವರ್ಷ ನೀಡುವ ಕಾಯಕ ಸಮ್ಮಾನ ಪ್ರಶಸ್ತಿಗೆ ಜಿಲ್ಲೆಯ ಹಿರಿಯ ಸಾಹಿತಿ ವಿಠ್ಠಪ್ಪ ಗೋರಂಟ್ಲಿ ಆಯ್ಕೆಯಾಗಿದ್ದಾರೆ.ಸಾಹಿತ್ಯ, ಪತ್ರಿಕೋಧ್ಯಮ, ರಂಗಭೂಮಿ ಸೇವೆ, ಸಂಘಟನೆ, ಸಮಾಜ ಸೇವೆಗಳಲ್ಲಿ ವಿಠ್ಠಪ್ಪ ಗೋರಂಟ್ಲಿಯವರ ಸಾಧನೆಯನ್ನು ಪರಿಗಣಿಸಿ ಈ ಪ್ರಶಸ್ತಿಯನ್ನು ನೀಡಲಾಗಿದೆ. ೧೨-೧೨-೨೦೧೦ ರಂದು ಕನ್ನಡ ಭವನ, ಸರದಾರ ವಲ್ಲಭಬಾಯಿ ಪಟೇಲ್ ವೃತ್ತ , ಕಲ್ಬುರ್‍ಗಿಯಲ್ಲಿ ನಡೆಯುವ ಕಾರ್‍ಯಕ್ರಮದಲ್ಲಿ ಡಾ.ಲತಾ ರಾಜಶೇಖರನ್ ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ. ಸಾನಿಧ್ಯವನ್ನು ಪೂಜ್ಯಶ್ರಿ ತೋಟೇಂದ್ರ ಶಿವಾಚಾರ್‍ಯರು ಪೀಠಾಧಿಪತಿಗಳು ಸುಕ್ಷೇತ್ರ ಕೋರಿ ಸಿದ್ದೇಶ್ವರ ಮಠ , ನಾಲವಾರ ಇವರ ವಹಿಸಿಕೊಳ್ಳಲ್ಲಿದ್ದಾರೆ. ಅಧ್ಯಕ್ಷತೆಯನ್ನು ಹಿರಿಯ ಕವಿ ಜರಗನಹಳ್ಳಿ ಶಿವಶಂಕರ ವಹಿಸಿಕೊಳ್ಳಲಿದ್ದಾರೆ.
ಈ ವರೆಗೆ ಕಾಯಕ ಸಮ್ಮಾನ ಪ್ರಶಸ್ತಿಯನ್ನು ಶಾಂತರಸ, ಕೆರಳ್ಳಿ ಗುರುನಾಥ ರೆಡ್ಡಿ,ಜಂಬಣ್ಣ ಅಮರಚಿಂತ, ಗವಿಸಿದ್ದ ಎನ್.ಬಳ್ಳಾರಿ, ವಿರೇಂದ್ರ ಸಿಂಪಿ, ಚನ್ನಬಸವ ಬೆಟ್ಟದೂರು, ಚಂದ್ರಕಾಂತ ಕುಸನೂರ, ಬಿ.ಟಿ.ಲಲಿತಾನಾಯಕ, ಲಿಂಗಣ್ಣ ಸತ್ಯಂಪೇಟ್, ಡಿ.ಎನ್.ಅಕ್ಕಿ, ರವೀಂದ್ರ ಪ್ರಹ್ಲಾದ ಕರ್ಜಗಿ ಸೇರಿದಂತೆ ಹಲವಾರು ಗಣ್ಯ ಮಹನೀಯರಿಗೆ ನೀಡಲಾಗಿದೆ. ಈ ಸಲ ಈ ಪ್ರಶಸ್ತಿಗೆ ಡಾ.ಮಾಣಿಕರಾವ್ ಧನಶ್ರೀ ಹಾಗೂ ನಮ್ಮ ಕೊಪ್ಪಳ ಜಿಲ್ಲೆಯ ಹಿರಿಯ ಸಾಹಿತಿ , ಹೋರಾಟಗಾರ ವಿಠ್ಠಪ್ಪ ಗೋರಂಟ್ಲಿಯವರನ್ನು ಆಯ್ಕೆ ಮಾಡಲಾಗಿದೆ.
ಪ್ರಶಸ್ತಿಗೆ ಆಯ್ಕೆಯಾದ ವಿಠ್ಠಪ್ಪ ಗೋರಂಟ್ಲಿಯವರಿಗೆ ಡಾ.ಮಹಾಂತೇಶ ಮಲ್ಲನಗೌಡರ,ಡಾ.ವಿ.ಬಿ.ರಡ್ಡೇರ, ಬಸವರಾಜ ಶೀಲವಂತರ, ವೀರಣ್ಣ ಹುರಕಡ್ಲಿ, ವೀರಣ್ಣ ವಾಲಿ, ಸಿರಾಜ್ ಬಿಸರಳ್ಳಿ, ಹುಸೇನ್ ಪಾಷಾ, ಮಹೇಶ ಬಳ್ಳಾರಿ , ರಾಜಾಬಕ್ಷಿ, ಕವಿಸಮೂಹದ ಕವಿಗಳು, ಕಸಾಪ ಅಧ್ಯಕ್ಷರಾದ ಶೇಖರಗೌಡ ಮಾಲಿಪಾಟೀಲ್,ರಾಜಶೇಖರ ಅಂಗಡಿ,ಜಿ.ಎಸ್.ಗೋನಾಳ ಸೇರಿದಂತೆ ಕಸಾಪದ ಪದಾಧಿಕಾರಿಗಳು ಹಾಗೂ ಇತರರು ಹರ್ಷ ವ್ಯಕ್ತಪಡಿಸಿ ವಿಠ್ಠಪ್ಪ ಗೋರಂಟ್ಲಿಯವರಿಗೆ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.
Please follow and like us:
error

Leave a Reply

error: Content is protected !!