fbpx

ಬಿಜೆಪಿಯವರಿಗೆ ಜನರೇ ತಕ್ಕ ಪಾಠ ಕಲಿಸ್ತಾರೆ- ರಾಘವೇಂದ್ರ ಹಿಟ್ನಾಳ

ಕೊಪ್ಪಳ : ಬಿಜೆಪಿಯವರು ಪ್ರಣಾಳಿಕೆಯಲ್ಲಿ ನೀಡಿದ  ಭರವಸೆಯಲ್ಲಿ ಒಂದೂ ಈಡೇರಿಸಿಲ್ಲ. ಜನ-ಧನ್ ಹಣ ಹಾಕ್ತಿನಿ ಅಂದಿದ್ರು. ಹಾಕಿಲ್ಲ ರೈತರಿಗೆ ಬೆಳೆ ಹಾನಿ‌ ಪರಿಹಾರ ಇನ್ನೂ ಕೊಟ್ಟಿಲ್ಲ ಎಂದು ಬಿಜೆಪಿ ವಿರುದ್ದ ಶಾಸಕ ರಾಘವೇಂದ್ರ ಹಿಟ್ನಾಳ ವಾಗ್ದಾಳಿ ನಡೆಸಿದರು. ಕೊಪ್ಪಳ ಜಿಲ್ಲಾಧಿಕಾರಿ ಕಚೇರಿ ಎದುರು ಕಾಂಗ್ರೆಸ್ ಪಕ್ಷದಿಂದ ನಡೆದ ಪ್ರತಿಭಟನೆಯಲ್ಲಿ ಮಾತನಾಡುತ್ತಿದ್ದರು.

ನವೆಂಬರ್-ಡಿಸೆಂಬರ್‌ನಲ್ಲಿ ಕರೋನಾ ಭಾರತದಲ್ಲಿ ಶೇಕಡಾ 50 ರಷ್ಟು ಆಗುತ್ತೆ ಅಂತ ವಿಶ್ವ ಆರೋಗ್ಯ ಸಂಸ್ಥೆ ಮುನ್ನೆಚ್ಚರಿಕೆ ನೀಡಿದೆ. ಆದರೂ ಕೆಲ ಮಾಧ್ಯಮಗಳಲ್ಲಿ ಮೋದಿ ಕೊರೊನಾ ನಿಯಂತ್ರಿಸಿದ್ದಾರೆ ಎನ್ನುತ್ತಿವೆ. ವಾಸ್ತವವಾಗಿ ಕೇಂದ್ರ ಮತ್ತು ರಾಜ್ಯ ಸರಕಾರ ಎರಡೂ ವಿಫಲವಾಗಿವೆ. ಅದರಲ್ಲೂ ಡಿಸೇಲ್-ಪೆಟ್ರೋಲ್ ಬೆಲೆ ದಿನೇ ದಿನೇ ಹೆಚ್ಚುತ್ತಾ ಇದೆ.ಬೆಲೆ ಏರಿಕೆ ವಿರೋಧಿಸಿ ಅಧಿಕಾರಕ್ಕೆ ಬಂದವರು ನೀವು ಈಗ ಯಾಕೆ ಬೆಲೆ ಹೆಚ್ಚಿಸ್ತಾ ಇದ್ದೀರಿ? .ಮುಂದಿನ ದಿನಗಳಲ್ಲಿ ದೇಶದ ಜನ ನಿಮಗೆ ತಕ್ಕ ಪಾಠ ಕಲಿಸ್ತಾರೆ.ಕೊರೊನಾದ ಈ ದಿನಗಳಲ್ಲಿ ಕಾಂಗ್ರೆಸ್ ನ ಪ್ರತಿ ಮುಖಂಡರು ಬಡವರಿಗೆ ನೆರವಾಗಿರುವುದು ಶ್ಲಾಘನೀಯ. ಈ ಧರಣಿ ಮೂಲಕ ದೇಶದ ಜನರಿಗೆ ದೊಡ್ಡ ಸಂದೇಶ ಕಳಿಸುತ್ತಿದ್ದೇವೆ ಎಂದು ಹೇಳಿದರು.  ಈ ಸಂದರ್ಭದಲ್ಲಿ ಡಿಸಿಸಿ ಅದ್ಯಕ್ಷ ಶಿವರಾಜ್ ತಂಗಡಗಿ, ಉಸ್ತುವಾರಿ ಚಂದ್ರಶೇಖರ್ ಭಟ್,   ಮಹಿಳಾ ಘಟಕದ ಅದ್ಯಕ್ಷೆ ಮಾಲತಿ ನಾಯಕ್, ಸುರೇಶ್ ಬೂಮರಡ್ಡಿ, ಅಮ್ಜದ್ ಪಟೇಲ್, ಪಹೀಮ್ ಬಾಷಾ, ಕಾಟನ್ ಪಾಷಾ, ರಾಜಶೇಖರ ಹಿಟ್ನಾಳ, ಜುಲ್ಲು ಖಾದ್ರಿ, ಎಲ್ಲ ತಾಲೂಕುಗಳ ಬ್ಲಾಕ್ ಅದ್ಯಕ್ಷರು ಉಪಸ್ಥಿತರಿದ್ದರು.

Please follow and like us:
error
error: Content is protected !!