ಮಂಗಳಮುಖಿಯೇ ನಾಯಕಿಯಾಗಿರುವ “ಮೂರನೇ ಕಣ್ಣು” ಸಿನಿಮಾ ನಾಳೆ ತೆರೆಗೆ

ಕೊಪ್ಪಳ :  ಮೂರನೇ ಕಣ್ಣು ಕೊಪ್ಪಳದ ಯುವಪ್ರತಿಭೆಗಳು ನಿರ್ಮಿಸಿರುವ ಚಲನಚಿತ್ರ. ಮೇಕಿಂಗ್ ಮತ್ತು ಚಿತ್ರದ ನಾಯಕಿ ಹಾಗೂ ಕಲಾವಿದರ ಕಾರಣಕ್ಕೆ ಗಮನಸೆಳೆದಿರುವಂತಹದ್ದು. ಮಂಗಳಮುಖಿಯೇ ನಾಯಕಿಯಾಗಿ ನಟಿಸಿರುವ ಕನ್ನಡದ ಅಷ್ಟೇ ಅಲ್ಲ ಭಾರತದ ಪ್ರಥಮ ಚಲನಚಿತ್ರ ಇದಾಗಿದೆ. ಮಂಗಳಮುಖಿಯರ ಕುರಿತು ಹಲವಾರು ಸಿನಿಮಾಗಳು ಬಂದು ಹೋಗಿವೆ. ಆದರೆ ಮಂಗಳಮುಖಿಯೇ ನಾಯಕಿಯಾಗಿ ಪ್ರಧಾನ ಪಾತ್ರವಹಿಸಿರುವ ವಿಶಿಷ್ಟ ಸಿನಿಮಾ ಇದು. ಬಹಳಷ್ಟು ಮಂಗಳಮುಖಿಯರು ಇದರಲ್ಲಿ ಅಭಿನಯಿಸಿದ್ಧಾರೆ.

ಕೊಪ್ಪಳದ ಎಎಸ್ ಆರ್ ಪ್ರೊಡಕ್ಷನ್ ನಲ್ಲಿ ಅಬ್ದುಲ್ ಸಮದ್ ಮತ್ತು ರಿಜ್ವಾನ್ ಬೇಪಾರಿ ನಿರ್ಮಿಸಿರುವ ಈ ಸಿನಿಮಾದಲ್ಲಿ ಸ್ಥಳೀಯ ಪ್ರತಿಭೆಗಳು ಕಾಣಸಿಕೊಂಡಿವೆ. ಸಿನಿಮಾಕ್ಕೆ ಹಿನ್ನೆಲೆ ಸಂಗೀತವನ್ನು ರವಿ ಬಸ್ರೂರರವರ ಸಹೋದರ ರಾಧಾಕೃಷ್ಣ ಬಸ್ರೂರ್ ನೀಡಿದ್ದಾರೆ. ಛಾಯಾಗ್ರಹಣ ಶರಣು ಸುಗ್ನಳ್ಳಿ  ಮಾಡಿದ್ಧಾರೆ.  ಗೀತ ಸಾಹಿತ್ಯ ಕೆಜಿಎಫ್ ಖ್ಯಾತಿಯ ನಮ್ಮ ಕಿನ್ನಾಳ ಗ್ರಾಮದ ಕಿನ್ನಾಳ ರಾಜಾ ಹಾಗೂ ವೀರುರವರದು. ನಿರ್ದೇಶನವನ್ನು ಭಾಗ್ಯನಗರ ಗ್ರಾಮದ ಯುವಕ ನಜೀರ್ ಕೆ.ಎನ್ ಮಾಡಿದ್ದಾರೆ.

ಒಳ್ಳೆ ಪ್ರೊಪೇಷನಲ್ ರೀತಿಯಲ್ಲಿ ಸಿನಿಮಾ ಮೂಡಿ ಬಂದಿದ್ದು ತನ್ನ ಟೀಸರ್ ಹಾಗೂ ಹಾಡುಗಳಿಂದ ಈಗಾಗಲೇ ಗಮನ ಸೆಳೆದಿದೆ. ನಾಳೆ ರಾಜ್ಯಾದ್ಯಂತ ತೆರೆಕಾಣಲಿರುವ ಈ ಸಿನಿಮಾವನ್ನು ಅಜಿತ್ ಮತ್ತು ಸಮದ್ ವಿಶಾಲ ಕರ್ನಾಟಕಕ್ಕೆ ಹಂಚಿಕೆ ಮಾಡಿದ್ಧಾರೆ.

ಕೊಪ್ಪಳದ ಪ್ರತಿಭೆಗಳು ನಿರ್ಮಿಸಿರುವ ವಿಶಿಷ್ಟ ಕಥಾನಕವುಳ್ಳ ಮಂಗಳಮುಖಿಯೇ ನಾಯಕಿಯಾಗಿ ಅಭಿನಯಿಸಿರುವ ಚಿತ್ರ ಮೂರನೇ ಕಣ್ಣು ಸಿನಿಮಾ ನಾಳೆ ತೆರೆಕಾಣಲಿದೆ. ಇಡೀ ಚಿತ್ರತಂಡಕ್ಕೆ ಶುಭಾಷಯಗಳು.. ಚಿತ್ರತಂಡಕ್ಕೆ ನಿಮ್ಮ ಪ್ರೀತಿ ಅಭಿಮಾನಗಳಿರಲಿ..

 

 

Please follow and like us:

Related posts