ಮಾ. ೩ ರಂದು ವೀರಶೈವ ಮಹಾಸಭಾ ರಾಜ್ಯ ಅಧ್ಯಕ್ಷ ಸ್ಥಾನಕ್ಕೆ ಚುನಾವಣೆ

ಕೊಪ್ಪಳ, ಫೆ. ೨೮ : ಅಖಿಲ ಭಾರತ ವೀರಶೈವ ಮಹಾಸಭಾ ಬೆಂಗಳೂರು ಇದರ ಕರ್ನಾಟಕ ರಾಜ್ಯ ಘಟಕದ ಅಧ್ಯಕ್ಷ ಸ್ಥಾನಕ್ಕೆ ಮಾರ್ಚ್ ೦೩ ರಂದು ಚುನಾವಣೆ ನಡೆಯಲಿದೆ.
ರಾಜ್ಯಾಧ್ಯಕ್ಷ ಸ್ಥಾನಕ್ಕೆ ಶ್ರೀ ತಿಪ್ಪಣ್ಣ ಎನ್. ಮತ್ತು ಶ್ರೀ ಪುಟ್ಟಬುದ್ಧಿ ಎನ್. ಇವರು ಸ್ಪರ್ಧಿಸಿದ್ದಾರೆ. ದಿನಾಂಕ : ೦೩.೦೩.೨೦೧೯ ಬೆಳಿಗ್ಗೆ ೮:೦೦ ಗಂಟೆಯಿಂದ ಮಧ್ಯಾಹ್ನ ೪:೦೦ ಗಂಟೆ ವರೆಗೆ ಕೊಪ್ಪಳ ನಗರದ ಅಶೋಕ ವೃತ್ತದ ಬಳಿಯಿರುವ ಬಿಇಓ ಕಛೇರಿ ಹತ್ತಿರವಿರುವ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಚುನಾವಣೆಗೆ ಏರ್ಪಡಿಸಲಾಗಿದೆ. ಮತದಾರರು ಸದರಿ ಸ್ಥಳದಲ್ಲಿ ಬಂದು ಮತದಾನ ಮಾಡಬಹುದು. ಮಹಾಸಭಾದ ಉಪಪೋಷಕರು ಆಗಿರುವವರು ರೂ. ೨,೫೦೦/- ಹಾಗೂ ಅದಕ್ಕೂ ಮೇಲ್ಪಟ್ಟು ಹಣ ಸಂದಾಯ ಮಾಡಿ ಸದಸ್ಯರಾಗಿದ್ದು, ಮತದಾರರ ಪಟ್ಟಿಯಲ್ಲಿ ಹೆಸರಿರುವವರು ಈ ಮತದಾನದಲ್ಲಿ ಭಾಗವಹಿಸಲು ಅರ್ಹರಾಗಿರುತ್ತಾರೆ. ಸದಸ್ಯರು ಸಾಮಾನ್ಯ ಚುನಾವಣೆಯಲ್ಲಿ ಬಳಕೆಯಾಗುವ ಗುರುತಿನ ಚೀಟಿ ಅಥವಾ ಇತರೆ ಇಲಾಖೆಗಳಿಂದ ನೀಡಿರುವ ಭಾವಚಿತ್ರಸಹಿತ ಇರುವ ಗುರುತಿನ ಚೀಟಿ ಹಾಜರುಪಡಿಸಿ ಮತದಾನ ಮಾಡಬಹುದಾಗಿದೆ ಎಂದು ವೀರಶೈವ ಮಹಾಸಭಾ ಚುನಾವಣಾ ಅಧಿಕಾರಿಯಾಗಿ ನಿಯುಕ್ತಿಗೊಂಡಿರುವ ಪ್ರೊ. ಅಲ್ಲಮಪ್ರಭು ಬೆಟ್ಟದೂರು(೯೮೪೪೦೪೯೨೦೫)  ತಿಳಿಸಿದ್ದಾರೆ.

Please follow and like us:

Related posts